Жангелді Темешұлы Немеребай - ақын, Қазақстан Жазушылар Одағының мүшесі. 1978 жылы 8 мамыр күні Алматы облысы, Алакөл ауданында дүниеге келді. Талдықорған қаласындағы Қанабек Байсейітов атындағы саз колледжі мен Ілияс Жансүгіров атындағы Жетісу Мемлекеттік Университетінің «Мәдениет және өнер» факультетін тәмамдады. Еңбек жолын 2003 жылы Алакөл ауданы, Екпінді ауылында Мәлғәждар Әубәкіров атындағы орта мектепте музыка пәнінің мұғалімі болып бастады. 2004 - 2005 жылдары Үшарал қаласында «Балалар шығармашылық» орталығында ансамбль жетекшісі қызметін атқарды. 2006 - 2008 жылдары облыстық «Алатау» газетінде тілші, 2008 жылы «Қарлығаш» ауылдық клубының меңгерушісі. 2012 - 2015 жылдары «Талдықорған әуендері» фольклорлы - этнографиялық ән - би ансамбліне жетекшілік етті. Талдықорған қаласы мен аудан әкімдерінің алғыс хатымен марапатталды.
«Ақ қайнар сезім», «Қар гүлдері», «Арман аялдамасы» атты жыр жинақтары (соңғы екі жинақ облыс әкімінің қолдауымен) мен «Бір бейне» атауымен аудиожазбасы жарық көрген. Өлеңдері қырғыз тіліне аударылған және испан тілінде жарық көрген қазақ ақындарының анталогиясына енген. Қалалық, облыстық, республикалық мүшәйралардың бас жүлдегері. Республикалық байқаудың лауреаты. «Отан Патриоты» медалімен марапатталған. 2013 жылы Қазақстан Телерадиокомпаниясы мен ҚР Қорғаныс Министрлігі ұйымдастырған Тұңғыш Республикалық Әскери әндер радиофестивалінде «Жауынгер хаты» әні «Үздік әскери ән» номинациясын жеңіп алған. 10 - ға жуық ән шығарған. Ел ішінде «Жан Сері» атанған. Жырлары Республикалық басылымдарда жарық көріп тұрады. Әндері Қазақ радиосының алтын қорына қабылданған. 5 әніне бейнебаян түсірілген.
Сүйінбай атындағы Алматы облыстық филармониясында музыкалық редактор қызметін атқарды. 2019 жылы Қазақстан Жазушылар одағы Алматы облыстық филиалы директорының орынбасары лауазымына тағайындалды. 2022 жылдан бері Қазақстан Жазушылар одағының Жетісу облысындағы өкілі қызметін атқарып жүр. 2022 жылдан бері Жетісу облысының Дәнеш Рақышев атындағы филармониясында музыкалық редактор қызметінде. Алакөл ауданының 90 жылдығына арнайы шығарылған «Алты алаштың Алакөлі» атты кітапқа ауданның мәдени даму бағытында сіңірген еңбегі бағаланып, енген.
Марапаттары:
«Отан патриоты» медалі - 2015 ж.
Талдықорған қаласы әкімінің ІІІ дәрежелі Дипломы - 2017 ж., қыркүйек.
«Алакөл - киелі мекенім» атты республикалық жазба ақындар мүшәйрасының І дәрежелі Дипломы - 2018 ж., қыркүйек.
«Ғасыр - ғұмыр» атты республикалық ашық жыр мүшәйрасының ІІІ орын Дипломы - 2018 ж.
Алматы облысының мәдениет, архивтер және құжаттама басқармасының Алғыс хаты - 2019 ж., қараша.
«Кенес әскерінің Ауғанстаннан шығарылғанына 30 жыл» мерекелік төсбелгісі - 2019 ж., қараша.
Алматы облысы Ауған соғысы ардагерлері ұйымдарының Мадақтамасы - 2019 ж., желтоқсан.
Алматы облысы әкімінің Алғыс хаты - 2020 ж., қазан.
Талдықорған қаласы әкімінің Алғыс хаты - 2020 ж., қазан.
Алматы облысының мәдениет, архивтер және құжаттама басқармасының Алғыс хаты - 2022 ж., сәуір.
«Мәдениет саласының үздігі» төсбелгісі - 2023 ж., қазан.
Жетісу жері қашанда өнер иелеріне кем болып көрген емес. Табиғаты сұлу елдің ұрпақтары да өнерге өте жақын. Сол өнерді халыққа жеткізу жолында табиғи талантын халық игілігіне жаратып жүрген Жетісу перзенттерінің бірі - мектеп оқушысы кезінен аудандық, облыстық көркемөнерпаздар байқауларына қатысып, сахнада танылған әнші Нұрмыхаметов Асқар Қалиұлы 1965 жылы 10 тамыз күні Ақмола облысы, Есіл ауданы, Гагарин ауылында дүниеге келді.
Еңбек жолын 1982 - 1985 жылдары Талдықорған облысы, бүгінде Жетісу облысы Кербұлақ ауданы, Алтынемель ауылдық мәдениет үйінде көркемдік жетекші ретінде бастады.
1986 - 1990 жылдар аралығында Алматы қаласындағы П.Чайковский атындағы музыкалық училищесінде оқып, 1990 - 1995 жылдары Алматы қаласының Құрманғазы атындағы мемлекеттік консерваториясында «Жеке дауыста ән салу» бойынша кәсіби білім алды.
1995 жылдан бастап Кербұлақ аудандық мәдениет үйінде жұмысын жалғастырып, мәдениет үйінің әдіскері, көркемдік жетекшісі, директоры болып 2005 жылға дейін еңбек етті. Қосымша балалар музыка мектебінде дәріс беріп, хор класын және жеке ән салу класын ашып, талай жас әншілерді тәрбиеледі.
2005 - 2011 жылдар аралығында Талдықорған қаласына қарасты Өтенай ауылдық мәдениет үйінің көркемдік жетекшісі, директордың міндетін атқарушы болып қызмет жасады.
2011 жылдан бері Алматы облыстық халық шығармашылығы орталығында бөлім меңгерушісі қызметін атқарып, 2022 жылдан бері Жетісу облысының халық шығармашылығы орталығында көркемдік жетекші болып қызмет атқарып келеді. Сонымен қатар, 2022 жылдан бастап Жетісу облысының Д.Рақышев атындағы филармониясында музыкалық редактор болып еңбек етеді..
Асқар Қалиұлы Астанада, Алматыда, облыс аумағында өткен республикалық маңызы бар мәдени шаралардың режиссерлік қойылымын, мәдени - көпшілік шаралдардың өту бағдарламасы мен сценарлық жоспарын жасап, сол шаралардың басты жүргізушісі де болып келді. Сондай - ақ, жыл сайын сценарийлер топтамасын шығарып, әдістемелік көмек ретінде мәдениет ошақтарына ұсынып, түрлі тақырыпта мәдениет қызметкерлеріне семинарлар ұйымдастырып отырады. Кейінгі ұрпақ үшін өткен тәлімді, тәрбиелі байқаулардың да ұйытқысы болып жүр. Өнер адамдарының шығармашылық кештерін ұйымдастырып, насихаттау ісіне де белсене араласады.
Көпұлтты, ынтымақ пен берекенің аймағы, достығы жарасқан, бірлігі бекем мекен - Жетісу облысының Қазақстан халқы Ассамблеясының Талдықорған қаласындағы Достық үйінде орналасқан барлық этно - мәдени орталықтармен тікелей шығармашылық қарым - қатынаста.
Сонымен қатар, Талдықорған қаласының Қанабек Байсейітов атындағы саз колледжінің «Ән салу» бөлімінде оқытушы ретінде жұмысын қатар алып келеді. Оқушылары облысымыздың түпкір - түпкірінде, облыс орталығында кәсіби әншілер қатарында еңбек етіп келеді. Соңғы буын шәкірттері өнер жолын таңдап, жоғарғы оқу орындарында дәріс алып жүр.
Марапаттары:
Алматы облыстық мәдениет басқармасының «Мәдени - демалыс ұйымының үздік қызметкері» Құрмет грамотасы - 2009 ж.
Алматы облыстық композиторлар одағының Дипломы - 2010 ж.
Алматы облысы әкімінің Дипломы - 2010 ж.
Алматы облыстық мәдениет басқармасының Құрмет грамотасы - 2012ж.
Алматы облыстық Қазақстан халқы Ассамблеясының Алғыс хаты - 2013ж.
Республикалық «Алтын таяқша» дирижерлар байқауының Алғыс хаты - 2013 ж.
Алматы облысының мәдениет, мұрағаттар және құжаттама басқармасының Құрмет грамотасы - 2013 ж.
Қазақстан композиторлар одағының Алғыс хаты - 2013 ж.
"Дүниежүзілік татарлар конгресі" Халықаралық қоғамдық бірлестіктер Одағының Алғыс хаты - 2015 ж.
«ҚР Мәдениет саласының үздігі» төсбелгісі - 2016 ж.
ҚР мәдениет және спорт министрінің Құрмет грамотасы - 2016 ж.
Халықаралық дәстүрлі музыка фестивалінің Дипломы - 2017 ж.
Алматы облыстық халық шығармашылығы орталығының Алғыс хаты - 2019 ж., 2021 ж.
ҚР Мәдениет министрлігінің ұйымдастыруымен Мәдениет және өнер қызметкерлерінің кәсіби мерекесіне орай өткен «Рухани қазына - 2019» Республикалық байқауына қатысқаны үшін 2019 жылы «Үздік мәдениет қызметкері» номинациясы бойынша марапатталды.
«Бозторғай» балалар шығармашылығының Халықаралық конкурсының Дипломы.
Алматы облысының мәдениет, архивтер және құжаттама басқармасының Құрмет грамотасы.
«Қоғамдық келісім» орталығының Алғыс хаты - 2020 ж.
«Вайнах» Алматы облыстық шешен - ингуш этномәдени бірлестігінің Алғыс хаты - 2021 ж.
Асқар Қалиұлы өнер жолында халықаралық, республикалық, облыстық байқаулар мен фестивальдердің жеңімпазы болған, облыстық, қалалық мәдени шараларды ұйымдастыруда біліктілігімен көзге түсіп жүрген тәжірибелі маман, көптеген мәдени шаралар жобасының авторы, білікті ұйымдастырушы, ұлағатты ұстаз, жауапкершілігі жоғары еңбеккқор азамат.
Жалпы мәдениет саласындағы еңбек өтілі - 40 жыл.