Кенжебаев Бауыржан Қайратұлы эстрада әншісі, композитор. Өзінің өнерімен облысымыздың, еліміздің мәдениетінің дамуына үлес қосып жүрген өнерпаз.
1991 жылы 2 желтоқсан күні Алматы облысы, Алакөл ауданы, Үшарал қаласында дүниеге келген.
2013 жылы Алматы қаласындағы технологиялық университетті «Инженер - бағдарламалаушы» мамандығы бойынша, 2017 жылы Жетісу мемлекеттік университетін «Музыкалық білім» мамандығы бойынша аяқтады.
Еңбек жолын 2011 жылы «Талдықорған әуендері» ФЭ ансамблінде жеке ән орындаушы болып бастады. 2020 - 2021 жылдар аралығында «Айналайын» балалар үйінде вокал ұстазы қызметін атқарды. 2019 - 2022 жылдары Талдықорған әуендері» ФЭ ансамблінің жетекшісі қызметінде істеді.
2022 жылдың қазан айында Жетісу облысының Дәнеш Рақышев атындағы филармониясының концерттік бөлімінің меңгерушісі ретінде қабылданып, 2024 жылдан бері директордың шығармашылық жөніндегі орынбасары қызметін атқарып жүр.
Шығармашылықта қол жеткізген жетістіктері:
Республикалық «Атамекен» байқауының лауреаты - 2013 жыл
Республикалық «Соғады жүрек» байқауының лауреаты - 2013 жыл
Республикалық «Жас қанат» байқауының лауреаты - 2014 жыл
Республикалық «Жұлдыз - 2016» байқауының лауреаты - 2016 жыл
Еңбек жолында бірқатар алғыс хаттармен және құрмет грамоталармен марапатталды:
Республикалық Ғани Мұратбаев атындағы жастар сыйлығы медалінің иегері.
Алматы облысы әкімінің «Көшбасшы» сыйлығының «Жас өнерпаз» номинациясының жеңімпазы - 2017 жыл
Талдықорған қаласы әкімінің «Көшбасшы» сыйлығының «Жас өнерпаз»
номинациясының жеңімпазы - 2017 жыл
Алматы облысы әкімінің құрмет грамотасы.
Талдықорған қаласы әкімінің құрмет грамотасы - 2020 жыл
«Көшбасшы» жастар сыйлығының «Жас өнерпаз» номинациясы иегері - 2020 жыл.
Жетісу облысының Дәнеш Рақышев атындағы филармониясының Алғыс хаты - 2024 жыл
Б.Кенжебаев композитор ретінде 2024 жылы Жетісу ақын - композиторларының «Өткен жылдың жаңа әндері» атты дәстүрлі ән кешінде «Дара» туындысымен қатысып, ұйымдастырушылардың Алғыс хатымен марапатталды.