Бірімжанова Салтанат Шәріпқызы 1967 жылы 26 қараша күні Алматы облысы, Кербұлақ ауданы, Басши совхозына қарасты Аралтөбе ауылында дүниеге келді. 1986 жылы Жаркент қаласындағы Панфилов педагогикалық училищесін бастауыш сынып мұғалімі, пионер вожатый мамандығы бойынша аяқтады. 2006 жылы Талдықорған қаласындағы І.Жансүгіров атындағы Жетісу Мемлекеттік университетінің филология факультетін «Қазақ тілі, әдебиеті және ағылшын тілі пәндерінің мұғалімі» мамандығы бойынша аяқтады.
2011 жылға дейін ұстаздық қызметте болды.
2011 - 2012 жылдары Алматы облыстық халық шығармашылығы орталығында әдіскер қызметін, 2012 - 2013 жылдары облыстық «Нұр Отан» партиясының медиа орталығында редактор қызметін атқарды. 2013 жылдан бері Сүйінбай атындағы Алматы облыстық филармониясында музыкалық редактор, бөлім меңгерушісі, әдіскер қызметін атқарып, 2022 жылдан бері осы лауазым қызметін Жетісу облысының Дәнеш Рақышев атындағы филармониясында жалғастырып жүр.
Марапаттары:
2011 жылы Алматы облыстық халық шығармашылығы орталығы директорының Алғыс хаты.
2013 жылы Алматы облысының мәдениет, архивтер және құжаттама басқармасының Мақтау грамотасы.
2015 жылы Сүйінбай атындағы Алматы облыстық филармониясы директорының Алғыс хаты.
2017 жылы Алматы облысының кәсіподақтар орталығының 8 наурыз - халықаралық әйелдер мерекесіне орай Алғыс хаты.
2018 жылы Алматы облысының мәдениет, архивтер және құжаттама басқармасының Алғыс хаты.
2023 жылы Жетісу облысы полиция департаментінің Алғыс хаты.
2023 жылы - Жетісу облысы әкімінің Алғыс хаты.