Ефтюкова Ольга Петровна 1976 жылы 24 маусым күні Талдықорған қаласында дүниеге келген. 1995 жылы Талдықорған қаласындағы Қ.Байсейітов атындағы музыка колледжінің фортепиано және хорды дирижерлау факультеттерін үздік аяқтады. 2000 жылы Құрманғазы атындағы мемлекеттік консерваторияның профессорлар Анатолий Васильевич Молодов және Базарғали Ажиұлы Жаманбаевтың класын аяқтады.
2001 жылы Көксу аудандық әкімдігінің сұрауымен облыстық. Республикалық конкурстар мен телевизиялық фестивальдардың жеңімпаздары атанған «Мың бала» балалар хорын ұйымдастырды, сонымен қатар, осы аудандағы Красный октябрь ауылы, Луначарский атындағы орта мектеп ұстаздары хоры, заң колледжі, түрік колледжі, облыстық ІІД, Көксу аудандық АІІБ хоры облыстық көркемөнерпаздар байқауының жеңімпаздары атанды.
2003 жылдан бері филармонияда вокал репетиторы болып қызмет атқарады. Негізгі жұмысымен қатар, концертмейстерлік қызметті да жоғары деңгейде атқарып жүр. Атап айтсақ, жыл сайын өтетін филармония әртістерінің кәсіби шеберлігін анықтайтын аттестация кезінде, әртістердің жеке шығармашылық концерттерінде, Верона қаласының вокал академиясының профессоры Гизатулиннің концертінде, Астана қаласында Б.Төлегенованың төрағалық етуімен өткен Н.Тілендиев атындағы халықаралық байқауда «Үздік концертмейстер» марапатына ие болды, жыл сайын дәстүрлі түрде өтетін М.Төлебаевтың туған күніне орайластырылып өткізілетін байқауларда, облыстық композиторлар одағы өткізген байқауда және т.б. байқауларда өзінің білікті концертмейстер екенін дәлелдеп жүр. Филармонияның әртүрлі концерттік бағдарламаларында, облысымыздың басқа облыстарындағы мәдениет күндерінде, мемлекеттік мейрамдарға, ЭКСПО - 2017 арналған мәдени шараларда хормейстер ретінде қызмет атқарып, осы шаралардың жоғары дәрежеде өтуіне зор үлес қосты.
2012 - 2019 жылдары қосымша Алматы облыстық Б.Римова атындағы драма театрында хормейстер қызметін атқарды. Театрдың «Естай - Қорлан» атты бірінші музыкалық қойылымында 25 хор эпизодын дайындады.
2003 жылы Еңбек және әлеуметтік қатынастар Академиясының юриспруденция факультетін, 2004 жылы мемлекеттік тілдерді оқыту орталығының қазақ тілі курсын аяқтады.
Бірнеше мәрте облыстық көркемөнерпаздар байқауы мен Дельфийлік ойындарда қазылар алқасының мүшесі болды.
Филармония директорының «Алғыс хатымен», облыстық кәсіподақ орталығының «Құрмет грамотасымен» марапатталған.
2022 жылы ҚР мәдениет және спорт министрінің Алғыс хатымен марапатталды.
2022 жылдан бері Жетісу облысының Дәнеш Рақышев атындағы филармониясында вокал дайындаушы және концертмейстер қызметтерін жалғастырып жүр.
2024 жылы ұлт мәдениетінің дамуына қосқан үлесі мен ерен еңбегі бағаланып, «Мәдениет саласының үздігі» төсбелгісімен марапатталды.