БИ ҰЖЫМЫ
Қазақ биі өзінің жан-жақтылығымен ерекшеленеді, ол кез-келген басқа халық өнері сияқты қазақ халқының өмірінің өзіндік ерекшелігін, оның ішкі әлемінің байлығын, ұрпақтан-ұрпаққа жалғасып келе жатқан дәстүрлері мен әдет-ғұрыптарын айқын көрсетеді. Қазақ биі-даналық, бұл біздің тамырымыз. Ол – ұлттық өнеріміздің ажырамас бөлшегі, ұрпақтар жалғастығын әспеттейтін құрал. Міне, осындай қасиетті өнеріміз өміршең болып, өңіріміздің мәдениетін одан әрі көркейтуге үлес қосу мақсатында 2022 жылы филармония ұжымында би ұжымы құрылды. Осы жылы ҚР Мәдениет және спорт министрлігінің ұйымдастыруымен Алматы қаласында өткен Қазақстан Республикасы этно-мәдени орталықтарының қатысуымен ұлттық өнерді насихаттауда «Өнеріміз саған – Қазақстан!» атты республикалық фестивальге қатысып, үздік өнер көрсеткені үшін Алғыс хатпен марапатталды.
Ұжым Г.Смағұлованың жетекшілік етуімен бас балетмейстер, би қоюшы балетмейстер, би дайындаушы, аккомпаниатор, костюмер, менеджер, сахналық қозғалысы жөніндегі дайындаушы және балет әртістері құрамымен еңбек етуде. Репертуары көптеген би қойылымдарымен толыққан өнер ұжымының болашақта қол жеткізер жетістіктері мол екені күмәнсіз.
Бас балетмейстерлер: «Еңбек даңқы» төсбелгісінің иегері Нағима Тайыр және Жабықбаева Анар Шаймұратқызы, би қоюшы Шәмшиев Алмат Шердарұлы, сахна қозғалысын дайындаушы Атаджанов Давранбек Довлатбайұлы, аккомпониатор Самойлова Татьяна Викторовна сынды өз ісінің шеберлері тәлім беретін ұжымға шығармашылық табыс тілейміз!
