Мадиев Асхат Талғатұлы 1993 жылы 6 қазан күні Талдықорған қаласында дүниеге келді. Мектеп қабырғасында жүріп, облыстық, республикалық байқауларға қатысты. 2011 жылы Т.Жүргенов атындағы Қазақ Ұлттық Өнер Академиясының музыкалық драма факультетіне түсіп, 2015 жылы «Актерлік өнер \музыкалық театр артисі\» мамандығы бойынша аяқтады. 2012-13 жылдары отандық «Бапкер» телехикаясында Асхат есімді боксшының рөлін сомдады. 2013 жылы Ө.Байділдаев атындағы патриоттық әндер байқауының Бас жүлде иегері атанды. 2014 жылы Бекзат Саттархановтың өміріне арналған «Бекзат» фильмінде үш дүркін әлем чемпионы Болат Жұмаділовтың рөлін сомдады. Сарқан ауданы Лепсі мәдениет үйінде қызмет істеді. Осы ауданда жұмыс істей жүріп, режиссерлік қабілетін шыңдап, «Соғыс», «Менің есімім - Қайрат» (Қайрат Рысқұлбеков турлаы) атты театрлық қойылымдар қойды.
2015 жылы Сүйінбай атындағы Алматы облыстық филармониясына жеке дауыстағы әнші болып орналасты. Филармония ұжымы құрамында шет мемлекеттерге, атап айтқанда, Қытай елі (2015 жыл), Сербия, Түркия елдеріне (2016 жыл) барып, ұлттық өнерімізді насихаттап қайтты.
2022 жылдан бері Жетісу облысының Дәнеш Рақышев атындағы филармониясында жеке дауыстағы әнші болып еңбек етеді. 2024 жылдан филармонияның режиссеры қызметінде.
Марапаттары:
Сарқан ауданы әкімінің алғыс хаты - 2016 жыл
Талдықорған қаласы әкімінің алғыс хаты - 2017 жыл
Алматы облыстық мәдениет, архивтер және құжаттама басқармасының Алғыс хаты - 2018ж., қаңтар
Алматы облыстық мәслихатының Алғыс хаты - 2018 ж., мамыр
Алматы облысы Текелі қаласы әкімінің лауреат Дипломы - 2018 ж., қыркүйек.
Алматы облысы әкімінің «Көшбасшы-2019» жастар сыйлығының «Үздік жас өнерпазы» номинациясының жеңімпазы - 2019 ж.
ІІ Республикалық «Сәйгүлік» атты әншілер байқауының ІІ орын Дипломы - 2022 ж.
Жетісу облысының мәдениет, архивтер және құжаттама басқармасының Құрмет грамотасы - 2023 ж., сәуір.
«Қазақстандық салалық мәдениет, спорт, туризм және ақпарат қызметкерлерінің кәсіптік одағы» Қоғамдық бірлестігінің Жетісу облыстық филиалының Құрмет грамотасы - 2023 ж. мамыр.