2023 жылдың 29 қыркүйек және 4 қазан күндері аралығында қаламызда Қазақстанның халық әртісі, Мемлекеттік сыйлықтың иегері Бикен Римованың 100 жылдығына арналған І-Халықаралық театр фестивалі өтті.
Салтанатты шара аясында Бикен Римова атындағы драма театрының ғимаратында актрисаның қола мүсіні ашылды.
Жетісулықтарды Бикен Римованың 100 жылдық мерей тойымен Президент Қасымжомарт Тоқаев құттықтап, жедел хат жіберді. Оны облыс әкімі Бейбіт Исабаев оқып берді. Фестивальдің ашылуына Мәдениет және Ақпарат министрі Аида Балаева да қатысты.
Түрксой халықаралық ұйымының қолдауымен өткізілген шараға Түркия, Өзбекстан, Қырғызстан, Түркіменстан мен Қазақстанның өнер ұжымдары қатысты.
Өнер мерекесі шеңберінде филармония әртістері фестивальдің ашылу және жабылу шарасында өнер көрсетті. Атап айтқанда, М.Төлебаев атындағы халық аспаптары оркестрі, эстрадалық-симфониялық оркестр, жеке дауыстағы әншілер жиналған көрермендер мен мереке қонақтарына көңілді кеш сыйлады.
