10 тамызда елімізде ұлы ойшыл, ақын Абай Құнанбаевтың туған күніне орай «Абай күні» аталып өтті. Облыс орталығында аталмыш шара кемеңгер ақынның ескерткішіне гүл шоқтарын қоюдан басталып, біртуар тұлғаның өмірі мен шығармашылығына арналған қойылыммен, өлеңдерін оқумен және әндерін орындаумен жалғасын тапты. Филармония әншілері де өңіріміздің басқа өнерпаздарымен қатар осы шараның жоғары деңгейде өтуіне атсалысты.
