2023 жылдың 7 қыркүйек күні филармония ұжымы облысымыздың мәдениет, архивтер және құжаттама басқармасының жаңа тағайындалған басшысы Қ.Сүлейменовпен кездесу жиынын өткізді. Жиналыс барысында филармонияның жемісті, табысты, заман талабына сай еңбек етуіне қажет мәселелер жайлы сөз қозғалды. Эстрадалық-симфониялық оркестрдің бағдарламасын, репертуарын байыту бағытында осы ұжымның тынбай еңбек етуі, 3 вариантта сценалық костюмдер тігу қажеттілігі айтылды. А.Хармысовқа жергілікті дәстүрлі әншілер тәрбиелеуді қолға алу туралы ұсыныс жасалды. Ұжымның шет мемлекеттерге гастрольдік сапарға шығуы туралы ұсыныстар, республикалық фестивальдарға қатысу, облыстық қана емес, республикалық және басқа да телеканалдармен шағармашылық байланыс орнату жайлы айтылды. Филармонияға жезтаңдай әнші Д.Рақышевтың аты берілуін салтанатты түрде атап өту маусымның ашылу шарасына орайластырып өткізу жоспарланды.
