Жетісу облысы филармониясының М.Төлебаев атындағы халық аспаптары оркестрі ұжымы мен жеке дауыстағы әншілер 2023 жылдың 21, 22 ақпан күндері КСРО халық әртісі, композитор М.Төлебаевтың туғанына 110 жыл толуына орай Көксу, Ақсу аудандарына гастрольдік сапармен барып келді. Халықаралық байқаулардың лауреаты Медет Есбергенов жетекшілік ететін оркестр ұжымы 21 ақпан күні Балпық кентінде орналасқан Көксу аудандық мәдениет үйінде, 22 ақпан күні Молықбай Байсақұлы атындағы Ақсу аудандық мәдениет үйінде жергілікті тұрғындарға атақты композитордың шығармаларынан құралған керемет кеш сыйлады. Концерт барысында М.Төлебаевтың «Біржан-Сара» операсының мерекелік би, Сараның ариясы, «Тос, мені, тос», «Тамаша», «Жылқышы әні», «Кестелі орамал» және тағы басқа туындылары орындалды.
