2023 жылдың 13 маусым күні Бикен Римова атындағы драма театрының ғимаратында медицина қызметкерлерінің кәсіби мерекесіне орай салтанатты шара өтті. Мерекелік жиын барысында облыс әкімі Б. Исабаев ақ халатты абзал жандарды мейрамдарымен құттықтап, бірқатар денсаулық сақшыларына марапаттар табыстады. Жиын соңы Жетісу облыстық филармониясы әртістерінің ұсынған концерттік бағдарламамен жалғасын тапты.
Филармонияның бишілері, ҚР мәдениет саласының үздіктері Б. Абенова, Б. Мұсаев, халықаралық байқаулардың лауреаттары Г.Лахаева, Ж.Такебаев, «Браво» тобы, «Dombyra Live» тобы және басқа да талантты әншілеріміз жиналған қауымға жүрек тербетерлік әндер мен көркем билерге толы әдемі музыкалық бағдарлама сыйлады.
