IV маусымның жабылуына арналған концерт
Филармония IV концерттік маусымның жабылуына арналған шараны қаламыздағы Қаратал өзенінің жағасында өткізді. Қалалық жағажай аумағында орналасқан үлкен сахнада филармония әртістері қала тұрғындары мен қонақтарына жанды дыбыста әртүрлі жанрдағы музыка, әр шығармаға қойылған би қойылымдары, бір сөзбен айтқанда, жоғарғы деңгейдегі саз мерекесін сыйлады. Барлық шығармашылық ұжымдар қатысып, өнер көрсеткен 3 сағаттық концерттік бағдарлама филармония ұжымы әртістерінің шын мәнінде талантты өнер иелері екенінің көрінісі болды.
