Келіп жеткен 2026 жыл баршамызға құтты, қайырлы, табысты, жемісті жыл болғай!
Филармония ұжымы өңіріміздің мәдениетін арттыру, ұлтымыздың қасиетті өнерін дәріптеу, сан қырлы, сұлу да сазды музыка өнерін паш ету бағытындағы қызметін атқаруын жалғастырады.
2026 жылда мәдени шаралар Жетісудың жезтаңдай әншісі, саңлақ сазгер, Қазақстанның халық әртісі Дәнеш Рақышевтың туғанына 100 жыл толуына орайластырып өткізіледі. Яғни, жыл бойы қазақ музыка әлемінде өзіндік ізі мен қолтаңбасын қалдырған дара тұлғаның рухына деген құрметімізді осылайша көрсетпекпіз! Сонымен қатар, осы мерейтой аясында Дәнеш Рақышевтың мұрасын насихаттау мақсатында салтанатты шаралар өтеді.
Біз сіздерді әрқашан көтеріңкі көңіл сыйлап, рухани азық беретін, концерттерімізде күтеміз!
