Облысымыздың Алакөл ауданы, Қабанбай ауылында көрнекті жазушы, мемлекет және қоғам қайраткері Әнуар Әлімжановтың 95 жылдығы аталып өтті. Мерейтойлық шараға келген Жетісу облысының әкімі Бейбіт Исабаев, ҚР Мәжіліс депутаты Ерлан Саиров, ҚР Мемлекеттік сыйлықтың иегері, Түрксой Жазушылар одағының төрағасы, ақын Ұлықбек Есдәулет, ғалымдар, қаламгерлер, жалпы аудан жұртшылығы алдымен Ә.Әлімжановтың бюстіне гүл шоқтарын қойды. Шара республикалық ғылыми-танымдық конференцияға жалғасып, соңы филармония әртістерінің концертіне ұласты.
