Жетісу топырағынан шыққан классик композитор, КСРО халық әртісі Мұқан Төлебаевтың туғанына 110 жыл толуына орай 2023 жылдың 27-28 сәуір күндері Талдықорған қаласында өткен VI Халықаралық байқауының «Алтын таяқша» дирижерлар және «Кестелі орамал» вокалистер номинацияларында филармония әртістері үздік өнер көрестіп, жүлделі орындарға ие болды. М. Төлебаев атындағы халық аспаптары оркестрінің дирижеры Медет Есбергенов «Алтын таяқша» дирижерлар номинациясы бойынша Бас жүлдені қанжығалады. «Кестелі орамал» вокалистер номинациясында жеке дауыстағы әншілеріміз Бауыржан Мырзабеков пен Сағыныш Кенжеғалиқызы ынталандыру жүлдесіне қол жеткізсе, Салтанат Мұратқызы жүлделі ІІІ орынды иеленді.
