2023 жылдың 30 қазан күні Б.Римова атындағы драма театры ғимаратында облысымыздың бірқатар өнер және мәдениет қызметкерлерін 25 қазан – Республика күніне орай марапаттау рәсімі өтті. Оның ішінде филармонияның ардагер әншісі, Д.Рақышевтың төл шәкірті А.Хармысовтың зейнетке шығуына орай облыстық кәсіподақ ұйымы тарапынан «Еңбек даңқы» медалімен марапатттап, ұлтымыздың дәстүріне сай иығына шапан жауып, гүл шоқтары тарту етілді. М.Төлебаев атындағы халық аспаптары оркестрінің аспапшы әртісі А.Қабимолдаева мен эстрада әншісі Г.Лахаева «Мәдениет саласының үздігі» төсбелгісімен марапатталып, басқа да әртістеріміз облыс әкімінің Құрмет грамотасы, Алғыс хаты, облыс әкімі орынбасарының Алғыс хатымен марапатталды. Әріптестерімізге құтты болсын дей отырып, шығармашылық табыстар тілейміз!
