Мюзикл-концерт
Филармония әртістері «БІЗДЕР» атты тақырыпта дайындаған мюзикл-концертімен облысымыздың Ескелді ауданына қарасты Сырымбет және Жетісу ауылдарына гастрольдік сапармен баруды жоспарлаған еді.
«Жетісу» би ансамблі, жеке дауыстағы әншілер, «Күреңбел» триосы және домбыраның құлағында ойнайтын шебер күйшілерден құрылған әртістер 2 маусым күні Сырымбет ауылының мәдениет үйінде жергілікті тұрғындарға шалқыған билерді, әдемі де сазды эстрадалық, классикалық, дәстүрлі бағыттағы әндерді ұсынды. Бұл концертті көрген де арманда, көрмеген де арманда десек, артық айтпаған болар едік. Әртістеріміз өздерінің жоғарғы кәсіби шеберлігін тағы да бір мәрте көрсетті!
