2023 жылдың 21 наруыз күні Жетісу облысы филармониясы ұжымында Ұлыстың ұлы күні - Әз Наурызға арналған мерекелік шара өтті. Ұжым 7 топқа бөлінді. Шара барысында тәуелсіз әділқазылар алқасы әр ауылдың атына, безендірілуіне, ұлттық дәстүрден көрініске, озық өнер көрсеткендерге, үздік ер адамның, үздік әйел адамның костюміне сыйлықтар тағайындады. Жалпы алған ұпайлар нәтижесінде І орынға – ақшалай сыйы 50 000 теңге, ІІ орынға – 40 000 теңге, ІІІ орынға – 30 000 теңгемен табысталды. Өнерімен ерекше болған шаруашылық бөлімі ұлтымыздың «Құда күту» дәстүрін жөн-жоралғысына сай келтіріп, үздік атанды. Сонымен қатар, М.Төлебаев оркестрі – «Қыз ұзату» дәстүрін, бишілер ансамблі - «Бесік той» дәстүрін, әншілер - «Айтыс» өнерін, эстрада - үрмелі аспаптар оркестрі – «Тұсаукесер» дәстүрін, «Жетісу сазы» ФЭА – «Жарапазан айту дәстүрін, әкімшілік – «Беташар» салтын сахналап, мерекенің әрін аша түсті. Сонымен қатар, «Қол күрес», «Арқан тарту», «Асық ойнау» сынды ұлттық ойындардан жарыс болды.
