Ұлыстың ұлы күні - Наурыз мейрамын тойлаудың жаңа тұжырымдамасына сәйкес Жетісу өңірі де осы әз мерекені атап өтті. Онкүндіктің әр күнінде тақырыбына сай жаңа форматта өткен мәдени шаралар облыс орталығы Талдықорған қаласының тұрғындары мен қонақтарына ұлық мерекені ұлықтау аясында ой салатын, дәстүрлерімізді қастерлеуге зор ықпал беретін көрініс ретінде ұсынылды. Әр шараның мазмұны терең, тәрбиелік мәні мол болды.
