11 желтоқсан күні М.Тынышбайұлы атындағы тарихи-өлкетану музейінде дәстүрлі әнші, ҚР мәдениет саласының үздігі Арафат Ысқақов пен күйші, Халықаралық байқаулардың лауреаты Самат Жексембаевтың «Әсем ән мен тәтті күй» атты лекция-концерті өтті. Ұлтымыздың дәстүрлі өнерінің екі түрін ұштастыра және үйлестіре отырып кеш барысында орындалған туындылар жиналған көрерменге рухани азық болды. Кешті облыстық «Жетісу» газетінің бас редакторы, ҚР мәдениет қайраткері Жұматай Оспанұлы жүргізді.
