І.Жансүгіров атындағы мәдениет сарайында М.Төлебаев атындағы қазақ халық аспаптары оркестрінің қатысуымен «Шертпе күй» кеші өтті.
Шертпе күй деп ел арасында домбыраға арналған күйлердің ертеден сақталған, бірақ өте жоғары дамыған өзіндік бір ерекше мақамы бар айырықша күйде орындалатын түрін айтады. Шертпе күйлер негізінен лирикалық сезімге бай, бұларда пәлсапашылдық - ойға шомып жан-дүниеге түрткі салатын сыршылдық басым. Тәттімбет, Сүгір, Қорқыт, Қожеке, Әшімтай, Н.Тілендиев, Қ.Ахмедьяров, С.Тұрысбеков, Ж.Темірғалиев, Ә.Алпысбаев сынды әйгілі күйші-композиторлардың шығармаларын нақышына келтіре оркестрдің қосылып сүйемелдеуімен орындаған Әсен Смаил, Асанали Байтоғаев, Дархан Сабыров, Айнұр Нұрбергенова,Талғат Оразаев сияқты майталман күйшілердің өнеріне жиналған жұрт риза болып, кеш әсерлі және жоғары деңгейде өтті.
