2023 жылдың 28 ақпан күні І.Жансүгіров атындағы мәдениет сарайында ҚР еңбек сіңірген әртісі, профессор Жалғасбек Бегендіковтың 70 жасқа толуына орай шығармашылық кеші болып өтті. Концертке М.Төлебаев атындағы халық аспаптары оркестрі және жеке дауыстағы әншілер қатысты. ҚР еңбек сіңірген қайраткері Ә.Алпысбаевтың, оркестрдің көркемдік жетекшісі М.Есбергеновтың, Жалғасбек Бегендіковтың дирижерлық етуімен оркестр Құрманғазының, М.Төлебаевтың, К.Күмісбековтың, Н.Тілендиевтің және тағы басқа композиторлардың шығармаларын орындады. Әсем әуендерге толы кеш жоғары деңгейде өтті.
