Қазақ поэзиясының мұзбалағы атанған ақиық ақын Мұқағали Мақатаевтың туғанына 95 жыл толуына орай филармония сахнасында ақынның өлеңдеріне жазылған әндерге толы «Тағы бір ақ таң ақпанда» атты концерт өтті. Әнсүйер қауымның құлағында жатталып қалған, сөзі де, әуені де жүрекке жағымды болып кеткен «Саржайлау», «Сенің көзің», «Мен деп ойла», «Құмған алған», «Қазағым-ай» және т.б. әндер нақышына келтіре орындалды. Өзі өлсе де, өнері өлмеген қазақтың маңдайына біткен жалынды ақынның рухына осылайша тағзым етілді.
