Жетісу облысында Республика күні мерекесіне орай барлық аудандар мен қалаларды қамтыған «Ту көтеру» патриоттық акциясы болып өтті. Шара «Жастар» саябағындағы Ту тұғыры алдында өтті. Облыс әкімі, облысымыздың зиялы қауым өкілдері, мемлекеттік қызметшілер, құқық қорғау, әскери сала қызметкерлері, белсенді жастар, үкіметтік емес ұйымдардың өкілдері, қала тұрғындары қатысқан акция барысында Мемлекеттік туды салтанатты түрде көкке көтеріліп, жиналған қатысушылар жанды дауыста хормен мемлекеттік гимнді орындады. Шара филармония әншілерінің орындауындағы патриоттық әндермен жалғасты.
