2023 жылдың 30 қараша күні филармонияға жезтаңдай әнші, саңлақ сазгер, Қазақстанның халық әртісі Дәнеш Рақышевтың есімі берілуіне орай әншінің бұрынғы тұрған үйінде естелік тақтасы орнатылып, кешке филармония залында «Жетісу дүлдүлі» атты концерт өтті. Аталмыш кеш барысында әншінің төл шәкірттері мен көзін көрген ізбасарлары, бүгінгі таңдағы өнер майталмандары өз өнерлерін көрсетті. Сонымен қатар, филармонияның бірқатар әншілері сазгердің тамаша туындыларын орындады.
